Aurreko ostiralean Eusko Jaurlaritzako Osasun Sailak zilbor-hesteko odolaren bankua sortu duela iragartzeko prentsaurrekoa eman zuen, eta bertara joatea egokitu zitzaidan. Bankua zertan datzan eta zein helburu dituen azaldu zuen Gabriel Inclan Osasun sailburuak.
Ostiralean zen prentsaurrekoa, baina ostiral goizerako El Correo eta El Diario Vasco egunkariek emana zuten bankuaren berri. Alegia, Osasun Sailak filtratu egin zien informazioa. Noski, bertan ginen kazetarion hartan ez zen gustukoa izan hori, eta are gutxiago Inclan sailburuak adierazi zuenean, "besterik ezin eta", eskerrak ematen dizkiela egunkari horiei gaiaren inguruan agertu duten interesagatik.
No hay comentarios:
Publicar un comentario