Albiste txar batekin hasi genuen astea, Mikel Laboa abeslariaren heriotzarekin. Euskaraz diharduten hedabideetan leku nabaria izan du hilberriak; Berria egunkariak 12 orrialdeko gehigarria kaleratu zuen, Euskadi Irratiak bertan behera utzi zuen ohiko programazioa, eta saio guztiak ia osotasunean eskaini zizkion Laboa zenari...
Erdarazko egunkariek, ordea, ez diote aparteko lekurik eskaini euskal kantugintzan erreferente eta belaunaldien arteko zubi izan denari. Jose Luis Elorzak zioen, ETBko Firin Faran saioan, badagoela euskarazko eta gaztelaniazko hedabideetan halako horma bat euskal kulturaren inguruan.
No hay comentarios:
Publicar un comentario